काठमाडौँ । सत्ता गठबन्धनमै रहेको जनमत पार्टीले राष्ट्रिय सभा निर्वाचनमा उम्मेदवारी दर्ता गराएको छ । जनमतले मधेस र लुम्बिनी प्रदेशमा उम्मेदवारी दर्ता गराएको हो ।
मधेस प्रदेशमा जनमतका रामशंकर महासेठले अन्य क्लस्टरमा उम्मेदवारी दर्ता गराएका छन् । यस्तै लुम्बिनी प्रदेशमा पनि अन्यबाट बल गोविन्द चौधरीले उम्मेदवारी दर्ता गराएका छन् ।
जनमतले यसअघि गठबन्धनबाट एक सिट दाबी गरेको थियो । तर, नपाएपछि जनमतले दुई सिटमा छुट्टै उम्मेदवारी दिएको हो ।
