भारतको नोएडा क्रिकेट पिचमा खेल्दाखेल्दै एक जनाको मृत्यु भएको छ । ३४ वर्षीय ब्याट्सम्यान विकास नेगीको हृदयघातका कारण मैदानमै मृत्यु भएको हो ।
दैनिक भास्करका अनुसार साथी ब्याट्सम्यान र फिल्डिङ टिमका खेलाडीले उनलाई सीपीआर दिन थाले पनि बचाउन भने सकेनन् । नेगी एक इन्जिनियर थिए जो नोएडामा कर्पोरेट लिग खेल्दै थिए।
हृदयघात हुनुअघि विकास आफ्नो टोलीका लागि ७ रन बनाएर ब्याटिङ गरिरहेका थिए । उनले ६ बल खेलेका थिए, तब उनको टोलीको स्कोर १३.५ ओभरमा ५ विकेट गुमाएर १४३ रन थियो ।
पहिले ब्याटिङ गरेको ब्लेजिङ बुल्सले १९.२ ओभरमा ९ विकेट गुमाएर १८३ रन बनाएको थियो । दुर्घटनापछि खेल रोकिएको थियो ।
