बेनी सदरमुकाममा बिहीबार साँझ भएको सुशील गर्बुजाको हत्या घटनामा संलग्न चार जना पक्राउ परेका छन् ।
बेनी -८ पिपलचोक बस्ने रघुगङ्गा गाउँपालिका-१ बेगका २२ वर्षीय सुशील गर्बुजाको चक्कु प्रहार गरी हत्यामा संलग्न भएका चार जनालाइ सार्वजनिक गरेको हो ।
हत्यामा संलग्न धवलागिरि -४ का अमृत पुर्जा, शङ्कर घर्ती, रघुगङ्गा-७ का १९ वर्षीय उत्सव पुन र मङ्गला -२ का २३ वर्षीय जीवन जिसीलाई पक्राउ गरिएको प्रहरी निरीक्षक कुमार गुरुङले जानकारी दिए ।
ज्यानसम्बन्धी कसुर/मुद्दा शीर्षकअन्तर्गत जिल्ला अदालतबाट बिहीबारदेखि पाँच दिनको म्याद थप गरेर अनुसन्धानका लागि हिरासतमा राखिएको छ ।
छातीमा चक्कु प्रहार गरेर सख्त घाइते बनाइएका गर्बुजालाई उपचारका क्रममा बेनी अस्पताल लैजाँदा चिकित्सकले मृत घोषणा गरेको थियो ।
