पोखरा : जनयुद्ध दिवसका दिन फागुन १ गते बागलुङको ताराखोला गाउँपालिकाले सार्वजनिक बिदा दिएको छ ।
माघ १९ गते बसेको कार्यपालिका बैठकले सार्वजनिक बिदा दिने निर्णय गरेको अध्यक्ष धनबहादुर विकले जानकारी दिए । बिदा सम्बन्धि सूचना सार्वजनिक गरिएको छ ।
पालिकाको अध्यक्ष विक माओवादीबाट निर्वाचित भएका हुन् । फागुन १ गते गाउँपालिका कार्यालय र मातहतका सबै कार्यालयहरूमा बिदा दिइएको पालिकाले जनाएको छ ।
