काठमाडौँ । सुर्खेतबाट काठमाडौँको उडानमा रहेको श्री एयरलाइन्सको जहाज सुरक्षित अवतरण भएको छ । उडानकै क्रममा फ्ल्यापमा समस्या देखिएको जहाज बिहीबार त्रिभुवन विमानस्थलमा सुरक्षित अवतरण गराइएको हो ।
त्रिभुवन विमानस्थल नागरिक उड्डयन प्राधिकरणका प्रवक्ता सुवास झाले जहाजमा समस्या देखिए पनि सुरक्षित अवतरण गराउन सकिएको बताए । विमानको फ्ल्याप ब्रेक लगाउन प्रयोग हुने बताइएको छ । विमानमा ५८ जना यात्रु सवार थिए ।
एकाएक समस्या देखिएपछि विमान केहीबेर आकासमै घुमेको बताइएको छ ।
