हामी जे खान्छौँ त्यसैबाट हाम्रो शरीर बन्ने हुँदा भोजनमा सुधार गरेर हामीले आफ्नो स्वास्थ्यमा सुधार गर्न सक्छौँ । प्रजनन प्रणालीलाई स्वस्थ बनाई प्रजनन क्षमता बढाउन सघाउने भोजनहरु—
पुरुषको लागि
– भिटामिन सी युक्त भोजनले शुक्राणुहरुको क्रियाशीलता बढाउने गर्छ । तसर्थ भिटामिन सी युक्त भोजन (अमिला जातका फलफूल, ब्रोकाउली, गोलभेँडा, काउली, हरियो सागपात, भेँडेखुर्सानी आदि) दैनिक सेवन गर्नुपर्दछ । ५०० एमजी भिटामिन सी आपूर्ति हुनु आवश्यक पर्दछ ।
– मल्टिभिटामिन, मल्टिमिनरलको चक्की सेवन गर्नु लाभदायक हुन्छ ।
– प्रजनन स्वस्थ र वीर्य उत्पादनमा जिंक युक्त भोजन लाभदायक हुन्छ ।
– जिंकका श्रोत : चोकरयुक्त गहुँका परिकार, भेडाको मासु, दालहरु, अदुवा, सिङ्गो अन्नहरु, काजु, पेश्ता, बदाम आदि हुन् ।
– वीर्य उत्पादनको निम्ति सेलिनियमयुक्त भोजनले सघाउँछ ।
– सेलिनियका श्रोतः लसुन, गान्ठेमुला, जौ, फर्सीको बियाँ, दूध, ब्राउनराइस, आँटा, मख्खन, दूध आदि हुन् ।
– वीर्य उत्पादनको श्रोतः सिङ्गो गहुँ, काँचो बदाम, देशीवदाम, ओखर, काजु, पेश्ता आदि हुन् ।
– म्यान्गनिजले प्रजनन हर्माेन उत्पादनमा सघाउँछ ।
– म्यान्गनिज श्रोतः हरिया सागपात, कलेजो, बदाम, देशीबदाम, आलु, सखरखण्ड अक्षत अन्नहरु दाल, पेश्ता, काजु आदि ।
– फलफूल सलादहरु दैनिक भोजनमा प्रशस्त समावेश गराउनुपर्दछ ।
साभारः ‘एकसे एक उपचार’ पुस्तकबाट
