काठमाडौं । सानुभाइ भनिने नुवाकोट ककनीका युवराज गुरुङ पक्राउ परेका छन् ।
विभिन्न व्यक्तिलाई धाकधम्की गरेका कारण पक्राउ गरिएको जिल्ला प्रहरी काठमाडौंका प्रवक्ता एसपी पवन भट्टराईले बताए ।
यस अघि उनी ठमेलस्थित क्लब ओम्नियाका सञ्चालक राजेन्द्र गुरुङमाथि आक्रमण गरेकोआरोपमा पक्राउ परेका थिए ।
नुवाकोट, ककनीका उनको वास्तविक नाम युवराज गुरुङ हो ।
पछिल्लो समय आफूलाई जेनजी भन्दै उनले केही व्यावसायिक व्यक्तिलाई धम्क्याएको सूचनापछि उनलाई प्रहरीले खोजी गरेको प्रहरी स्रोतले जनायो ।
