काठमाडौँ । नेपाली कांग्रेस केन्द्रीय कार्यसमितिको दिउँसो १ बजेका लागि बोलाइएको बैठक अझै सुरु हुन सकेको छैन ।
महामन्त्री गगन थापा बैठकस्थल सानेपामा उपस्थित नभएकाले बैठक सुरु हुन नसकेको एक नेताले जानकारी दिए । कार्यवाहक सभापति पूर्णबहादुर खड्कासहितका अन्य पदाधिकारी र केन्द्रीय सदस्यहरू भने बैठकस्थलमा पुगिसकेका छन् ।
कांग्रेसमा महाधिवेशनको मिति कहिले भन्नेमा विवाद छ । महामन्त्री थापाले आगामी मंसिर २७ देखि २९ गतेसम्म नियमित महाधिवेशन गर्ने कार्यतालिका तयार पारे पनि केन्द्रीय कार्यसमिति बैठकमा पेस गर्न पाएका छैनन् ।
संस्थापन पक्षले भने आगामी फागुन २१ गतेको प्रतिनिधिसभा निर्वाचनपछि नियमित महाधिवेशन गर्नुपर्ने बताउँदै आएको छ ।
