काठमाडौ । विघटित प्रतिनिधिसभाका स्वतन्त्र सांसद डा.अमरेशकुमार सिंह राष्ट्रिय स्वतन्त्र पार्टी प्रवेश गर्ने तयारी गरेका छन् ।
हिजो नख्खु कारागार पुगेर रवि लामिछानेसँग भेटवर्ता गरेपछि उनले पत्रकारहरु सँगको छोटो कुराकानीमा रास्वपासँग पनि आफ्नो राजनीतिक वार्ता भइरहेको बताएका छन् ।
आफू स्वतन्त्र उम्मेदवारको रुपमा विजय भएकाले गर्दा अहिलेसम्म कुनै पार्टीमा प्रवेश नगरेको तर अहिले रास्वपासँग सकारात्मक वार्ता भएको र अबको ३ हप्तापछि के हुन्छ भन्ने जवाफ दिने अमरेशकुमारले बताएका छन् ।
रविमाथि राजनीतिक प्रतिशोध साधिएको भन्दै केही महिनाअघि केन्द्रीय कार्यालयमै पुगेर हस्ताक्षर समेत गरेका अमरेशकुमार पछिल्लो समय रास्वपासँग नजिक भएका छन् । त्यस्तै रवि चुनाव अघि नै जेलबाट निस्किनेमा आफू आशावादी रहेको समेत बताएका छन् ।
