काठमाडौं । राष्ट्रिय स्वतन्त्र पार्टी, काठमाडौँ जिल्ला सभापति प्रदीप बिष्टले राजीनामा फिर्ता लिएका छन् ।
उनले पदबाट दिएको राजीनामा सोमबार फिर्ता लिएको रास्वापाले जनाएको छ ।
यसअघि उनले ‘पार्टी छोडेको होइन, काम गर्ने फुर्सद नभएर जिल्ला सभापतिबाट राजीनामा दिएको ।’ बताएका थिए ।
राजीनामा दिनुअघि उनले जिल्ला कार्यसमितिको बैठक बोलाएका थिए । बैठकका सहभागीले राजीनामा नदिन दबाब दिए पनि उनले धेरै सोचविचार गरेपछि राजीनामा दिनु नै उपयुक्त ठानेको बताएका थिए ।
पार्टीको प्रचलनअनुसार बागमती प्रदेश समितिमा राजीनामा बुझाएका विष्टले आज राजीनामा फिर्ता लिएका हुन् । उनी २०७९ को प्रतिनिधिसभा निर्वाचनमा रास्वपाको तर्फबाट काठमाडौं- १० बाट उम्मेदवार थिए ।
