काठमाडौँ । आसन्न ११औँ महाधिवेशनको अघिल्लो दिन बसेको नेकपा एमालेको केन्द्रीय सचिवालय बैठकमा नेताहरूको आसन परिवर्तन भएको छ ।
यसअघिका बैठकमा भन्दा फरक ढङ्गले नेताहरूको सोफा मिलाएर बैठक राखिएको छ । ओलीसँगै वरिष्ठ उपाध्यक्ष ईश्वर पोखरेल र महासचिव शंकर पोखरेल बस्ने सोफा एउटै लहरमा राखिएको छ ।
यसअघि ओली बस्ने ठाउँमा अरूलाई आसनको व्यवस्था हुँदैनथियो । तर, यसपटक एमालेले नेताहरूको आसन नै परिवर्तन गराएर फरक सन्देश दिएको छ ।
तीन नेताको दायाँबायाँ उपाध्यक्ष र उपमहासचिव र सचिवहरूलाई बस्ने व्यवस्था मिलाइएको छ ।
