काठमाडौं, ३ पुष । नेकपा (एमाले) को ११औं महाधिवेशनको नेतृत्वमा भएको प्रतिष्पर्धामा अध्यक्षमा केपी शर्मा ओलीको अग्रता फराकिलो बनेको छ ।
ओलीसँग प्रतिष्पर्धामा रहेका ईश्वर पोखरेल सुरुदेखि नै पछि परेका हुन् । विद्युतीय मतदान भएकोले मतगणन द्रुत गतिमा भएको छ ।
पछिल्लो मतगणनाअनुसार ओलीले ८४३ मत ल्याएका छन् । पोखरेलले २९६ मत ल्याएका छन् ।
यस्तै, महासचिवमा शंकर पोखरेलले अग्रता कायमै राखेका छन् । पोखरेलले ६१३ मत ल्याउँदा सुरेन्द्र पाण्डेले भने५२८ मत मत ल्याएका छन् । उनीहरुबीच ८५ मतको अन्तर छ ।
