काठमाडौं, १५ पुस । राष्ट्रिय स्वतन्त्र पार्टी (रास्वपा) ले प्रतिनिधिसभा सदस्य निर्वाचन समानुपातिक उम्मेदवारको बन्दसूचीमा खस/आर्यतर्फ दोस्रो नम्बरमा सचिन ढकाललाई राखेको छ ।
ढकाल चर्चित व्यवसायी एवं उद्यमी चन्द्र ढकालका छोरा हुन् । उनी एफसी चितवनका सञ्चालकसमेत हुन् ।
निर्वाचन आयोगले दिएको समय सीमाअनुसार दलहरुले हिजो समानुपातिकतर्फका उम्मेदवारको बन्दसूची बुझाएका हुन् । रास्वपाले कूल ११० जना उम्मेदवारको बन्दसूची बुझाएको छ ।
जसमा ढकालको नाम खस/आर्यतर्फबाट दोस्रो नम्बरमा रहेको छ ।
