काठमाडौं । नेकपा (एमाले) का अध्यक्ष केपी शर्मा ओलीको स्थानहद फुकुवा भएको छ ।
भदौ २३ र २४ गतेको जेनजी आन्दोलनका बेला प्रधानमन्त्री रहेका ओलीलाई जाँचबुझ आयोगले स्थानहद लगाएको थियो ।
सोमबार (पुस २१) ओलीको स्थानहद फुकुवाको निर्णय भएको आयोगका प्रवक्ता विज्ञानराज शर्माले जानकारी दिए ।
“स्थानहद फुकुवा गर्ने निर्णय भएको छ,” उनले भने । आयोगले आइतबार ओलीको स्टेटमेन्ट लिएको थियो ।
एक अधिकारीका अनुसार ओलीले आइतबार दिएको लिखित ‘स्टेटमेन्ट’पछि स्थानहद फुकुवा गरिएको हो ।
