वासिंगटन डिसी, ९ बैशाख । संयुक्त राज्य अमेरिकाका एक शीर्ष सैन्य अधिकारीले इरान विरुद्धको युद्धको लागि हतियार संरक्षण गर्न वाशिंगटनले ताइवानलाई १४ अर्ब डलरको हतियार बिक्री रोकिरहेको बताएका छन्।
अमेरिकी राष्ट्रपति डोनाल्ड ट्रम्प र चिनियाँ नेता सी जिनपिङबीच बेइजिङमा भएको वार्तामा हतियार बिक्री केन्द्रबिन्दुमा आएको एक हप्तापछि, कार्यवाहक नौसेना सचिव हुङ काओले बिहीबार सिनेटको सुनुवाइको क्रममा सांसदहरूलाई यो अपडेट प्रदान गरेका हुन् ।
‘अहिले हामीसँग एपिक फ्युरीको लागि आवश्यक पर्ने हतियारहरू छन् भनी सुनिश्चित गर्न हामी पज गरिरहेका छौं, जुन हामीसँग प्रशस्त छ, काओले रक्षा सम्बन्धी सिनेट विनियोजन उपसमितिसमक्ष भने, ‘तर हामीसँग सबै कुरा छ भनी सुनिश्चित गरिरहेका छौं तर त्यसपछि प्रशासनले आवश्यक ठानेमा विदेशी सैन्य बिक्री जारी रहनेछ।’
बीबीसीले उल्लेख गरे अनुसार काओले भनेका छन कि बिक्रीमा अगाडि बढ्ने कुनै पनि निर्णय, जुन ताइवानलाई अहिलेसम्मकै सबैभन्दा ठूलो हतियार स्थानान्तरण हुनेछ, रक्षा सचिव पिट हेगसेथ र विदेश सचिव मार्को रुबियोले गर्ने छन्।
अमेरिका र इरानले अप्रिल ८ मा युद्धविराममा सहमति जनाए देखि युद्ध रोकिएको छ तर दुवै पक्षहरू भने अझै पनि स्थायी शान्ति सम्झौतामा पुग्न सकेका छैनन्।
अमेरिकी कांग्रेसले जनवरीमा ताइवानको लागि हतियार प्याकेजलाई अनुमोदन गरेको थियो तर बिक्री अगाडि बढ्नका लागि राष्ट्रपति डोनाल्ड ट्रम्पको हस्ताक्षर आवश्यक रहेको छ। यदि अनुमोदित भएमा बिक्रीले डिसेम्बरमा ट्रम्पले अनुमोदन गरेको ताइवानको लागि रेकर्ड तोड्ने ११ अर्ब डलरको हतियार प्याकेजलाई पार गर्नेछ।
ताइवानी समाचार आउटलेट एफटीभी न्यूजका अनुसार ताइवानी प्रधानमन्त्री चो जंग ताईले शुक्रबार पत्रकारहरूलाई भनेका छन् कि ताइवानले हतियार खरिदलाई निरन्तरता दिनेछ।
क्राइसिस ग्रुपका उत्तरपूर्वी एसियाका वरिष्ठ विश्लेषक विलियम याङले सामाजिक सञ्जाल पोस्टमा भनेका छन् कि यो विरामले ूताइवानमा अमेरिकी समर्थनको बारेमा चिन्ता र शंका बढाउनेछ र ताइवानी सरकारलाई निकट भविष्यको लागि थप रक्षा बजेट अनुरोध गर्न गाह्रो बनाउनेछू।
