क्यार्लिफोनिया, ९ जेठ । विश्वभरका केही मानिसहरूको आम्दानी यति तीव्र गतिमा बढिरहेको छ कि औसत व्यक्तिलाई बुझ्न गाह्रो हुनेछ।
विश्वका सबैभन्दा धनी व्यक्ति एलन मस्कको सम्पत्तिमा फेरि एक पटक तीव्र वृद्धि भएको छ। बिहीबार मात्रै उनको कुल सम्पत्ति एकै दिनमा लगभग ४५ अर्ब डलरले बढेर नयाँ रेकर्ड बनाएको छ, यो सँगै अब उनको कुल सम्पत्ति ७२२ अर्ब डलर पुगेको छ। यो वृद्धिसँगै मस्कको स्थिति बलियो भएको छ र उनी अब द्रुत गतिमा ट्रिलियनियर क्लबतर्फ अघि बढिरहेको देखिन्छ।
ब्लूमबर्ग बिलियनेर्स इन्डेक्सका अनुसार यस वर्ष अहिलेसम्म एलन मस्कको सम्पत्तिमा उल्लेखनीय वृद्धि भएको छ। अन्य अर्बपतिहरूको सम्पत्ति उनको भन्दा धेरै नै पछाडि रहेको छ। रिपोर्टका अनुसार दोस्रो स्थानमा रहेका ल्यारी पेजको कुल सम्पत्ति मस्कको भन्दा आधा भन्दा कम छ।
एलोन मस्कको कम्पनी स्पेश एक्सले चाँडै नै अमेरिकामा आइपीओ ल्याउने तयारी गरिरहेको छ। लगानीकर्ताहरूले कम्पनीको शेयर किन्न र बेच्न सक्ने छन्। स्पेश एक्स रकेट र स्याटेलाइट इन्टरनेट सेवा स्टारलिंकको लागि परिचित छ। यो आइपिओ वाल स्ट्रिटको इतिहासमा सबैभन्दा ठूलो मध्ये एक हुन सक्ने विश्वास गरिएको छ ।
रिपोर्टहरूका अनुसार स्पेसएक्सको सूचीकरण अर्को महिना स्पेस एक्स कोड अन्तर्गत सुरु हुन सक्छ। यसले एलन मस्कको कुल सम्पत्तिमा उल्लेखनीय वृद्धि हुन सक्छ।
यस वर्ष सर्वाधिक कमाउने अर्बपतिहरूको सूचीमा एलोन मस्क अग्रपंक्तिमा छन्। उनीपछि ल्यारी पेज छन्, जसको सम्पति ५८.१ अर्ब डलरले बढेको छ भने सर्गेई ब्रिनको सम्पत्ति ५३.७ अर्ब डलरले बढेको छ। डेभिड सन, झान टु, माइकल डेल, जेफ बेजोस, जेन्सेन हुआङ र अन्य अर्बपतिहरूको पनि सम्पत्तिमा उल्लेखनीय वृद्धि भएको छ।
एलन मस्कको बढ्दो सम्पत्तिले उनलाई विश्वको सबैभन्दा प्रभावशाली व्यवसायिक नेताहरू मध्ये एकको रूपमा बलियो बनाएको छ। स्पेसएक्सको सम्भावित आईपीओ पछि उनको कुल सम्पत्तिमा अझ ठूलो वृद्धि हुन सक्छ।
