नयाँ दिल्ली । भारतमा चर्चित बनेको व्यङ्ग्यात्मक राजनीतिक समूह कक्रोच जनता पार्टीले आफ्नो वेबसाइट सरकारले ब्लक गरेको दाबी गरेको छ । केही दिनअघि मात्र सुरु गरिएको यो समूहले सामाजिक सञ्जालमा तीव्र लोकप्रियता हासिल गरेको थियो ।
यो समूह भारतका प्रधानन्यायाधीशले बेरोजगार युवाहरूलाई ‘साङ्ला’ सँग तुलना गरेको भनाइपछि मजाकका रूपमा स्थापना गरिएको हो । पछि उनले आफ्नो टिप्पणी ‘नक्कली र झुडा डिग्री’ भएका मानिसहरूलाई लक्षित भएको स्पष्ट पारेका थिए । उनले आफ्नो भनाइ सम्पूर्ण भारतीय युवालाई नभएको बताएका थिए ।
हाल कक्रोच जनता पार्टीको वेबसाइट भारतभित्र मात्र होइन, अन्य देशबाट पनि पहुँच गर्न नसकिने अवस्थामा रहेको बताइएको छ ।
समूहका संस्थापक अभिजित दिपकेले भारतीय अधिकारीहरूले वेबसाइट हटाएको आरोप लगाएका छन् । उनले सामाजिक सञ्जाल एक्समा लेखेका छन्, ‘उनीहरू साङ्लासँग किन यति धेरै डराउँछन् ?’ भन्दै प्रश्न गरेका छन् । साङ्ला त कहिले पनि मर्दैन भन्दै उनले नयाँ वेबसाइट तयार भइरहेको पनि बताएका छन् ।
