काठमाडौं, १७ जेठ । भारतको उत्तर प्रदेश–बिहारमा आँधी र वर्षाका कारण ४८ जनाको मृत्यु भएको छ ।
भारतमा देशमा गर्मीको लहर चलिरहेको बेला, १५ भन्दा बढी राज्यहरूमा प्रि-मनसुन वर्षाको चेतावनी जारी गरिएको छ।
बिहारमा आँधीबेहरी, वर्षा र चट्याङका कारण पछिल्लो २४ घण्टामा १७ जनाको मृत्यु भएको दैनिक भाष्करले जनाएको छ । पटनामा वर्षाका कारण चार उडानहरू डाइभर्ट गरिएको छ र १८ उडानहरू ढिलाइ भएका छन्, जसले गर्दा ५०० भन्दा बढी यात्रुहरूलाई असुविधा भएको छ। आज राज्यका २५ जिल्लाहरूमा वर्षा हुने अनुमान गरिएको छ।
उता, उत्तर प्रदेशमा पछिल्लो २४ घण्टामा आँधीका कारण ३१ जनाको मृत्यु भएको छ। सहारनपुरमा भारी वर्षापछि पहाडबाट तीव्र धारासहित खोलानालामा पानी बगेको छ ।जसका का कारण इनोभा–ट्रयाक्टरसहित १० वटा सवारी साधन बगेका छन् । आज पनि ७५ जिल्लामा वर्षाको सतर्कता जारी छ। उता, राजस्थानमा शनिबार ३० जिल्लामा आँधीसँगै असिना पर्ने जनाइएको छ ।
