हैदारावाद । दक्षिण भारतीय सहर हैदरावादको प्रहरीले मेटा इन्डियाका प्रमुखविरुद्ध मुद्दा दर्ता गरेको छ।
कम्पनीको फेसबुक प्लेटफर्ममा प्रधानमन्त्री नरेन्द्र मोदीलाई ‘अपमानजनक शैली’ मा प्रस्तुत गरिएका धेरै भिडियोहरू पोस्ट गरिएपछि यो कदम चालिएको हो। सो बारेमा एक वरिष्ठ प्रहरी अधिकारीले शुक्रबार यसको जानकारी दिएका हुन्।
हैदरावादमा साइबर अपराध हेर्ने प्रहरी नायब आयुक्त भी.अरविन्द बाबुका अनुसार प्रहरीले यस मुद्दाका सम्बन्धमा मेटा प्लेटफर्म्सलाई सूचना पठाउने तयारी गरिरहेको छ । यद्यपि, शुक्रबार अबेरसम्म यस्तो सूचना जारी गरिएको थिएन।
प्रधानमन्त्रीसँग सम्बन्धित सामग्रीलाई लिएर मेटा र मोदी सरकारबीच देखिएका तनावहरूको शृङ्खलामा यो मुद्दा अर्को कडी बनेको छ। गत साता फेसबुकले मोदीको एउटा पोस्टमा केही समयका लागि रोक लगाए पछि भारतको सूचना प्रविधि मन्त्रालयले यसै साता मेटाका उच्च अधिकारीहरूलाई बोलाएको थियो। मन्त्रालयका एक उच्च अधिकारीले सरकारले मेटाबाट यस विषयमा उच्च तहमा स्पष्टीकरण चाहेको बताएका थिए।
त्यतिबेला मेटाका एक प्रवक्ताले भनेका थिए कि उक्त पोस्ट, समा मोदीले शिक्षा मन्त्रीको राजीनामा गराउने गरी भएका विशाल विद्यार्थी प्रदर्शनबारे पहिलो पटक सम्बोधन गरेका थिए, भुलवश रोकिएको थियो।
पछिल्ला केही साताहरूमा भारतीय प्रधानमन्त्री मोदी अनलाइनमा प्रदर्शनकारीहरूबाट व्यापक आलोचना, ठट्टा र उपहासको पात्र पनि बनेका छन्, उनका लाखौं मिमहरू बनाइएको छ। प्रयोगकर्ताको संख्याका आधारमा भारत फेसबुकको सबैभन्दा ठूलो बजार हो।
