काठमाडौँ । गायिका मेलिना राई विवाह बन्धनमा बाँधिएकी छन् । केही दिनअघि उनले इलामका ध्रुव गुरुङसँग लगनगाँठो कसेकी हुन् ।
अहिले उनले विवाहका केही तस्बिरहरू पोस्ट गर्दै आफ्नो पतिप्रति प्रेमभाव प्रस्तुत गरेकी छिन् । उनले लेखेकी छन्, ‘प्रिय श्रीमान्, मेरो जीवनमा तपाईँलाई पाउँदा धेरै भाग्यमानी र खुसी महसुस गर्दैछु ।’
यता, उनका श्रीमान् ध्रुवले पनि सामाजिक सञ्जालमा मेलिनाको तारिफ गर्दै लेखेका छन्, ‘प्यारी श्रीमती, तिमीसँग विवाह गर्नु मेरो जीवनको सबैभन्दा राम्रो निर्णय हो। तिमी मेरो जीवनमा भएको सबैभन्दा राम्रो कुरा हो। तिमीलाई धेरै माया गर्छु ।’
