काठमाडौं । हमासले बन्धक बनाएका विपिन जोशीको आमा र बहिनी उनको सकुशल रिहाइका माग गर्दै अमेरिका प्रस्थान गरेका छन् ।
उनकी बहिनी पुष्पा जोशीले फेसबुकमार्फत आफूहरु दाजु विपिनको रिहाइका लागि ठूलो कदम चालेको बताउँदै यूएसए जान लागेको उल्लेख गरेकी छन् ।
यसअघि इजरायल जाँदा पनि राष्ट्रिय र अन्तर्राष्ट्रिय समुदायले आफूहरुलाई सहयोग गरेको बताउँदै अहिले पनि सहयोग गर्न उनले आह्वान गरेकी छन् ।
विपिनको केही समयअघि हमासले बिदाइ तस्बिर भन्दै ४८ जना बन्धकहरुसँगै तस्बिर सार्वजनिक गरेको थियो ।
