काठमाडौं, २४ कात्तिक । नेकपा (एमाले) ले विघटित प्रतिनिधिसभामा रहेका आफ्ना सांसदहरुको बैठक बोलाएको छ ।
मुलुकको राजनीतिक परिस्थितिका बारेमा छलफल गर्नका लागि आगामी मंसिर २ गते विघटित प्रतिनिधिसभाका सांसदहरूको बैठक बोलाइएको एमाले नेता महेश बर्तौलाले बताए ।
विघटित प्रतिनिधिसभामा एमालेबाट प्रमुख सचेतकसमेत रहेका बर्तौलाले प्रतिनिधिसभा पुनःस्थापनाका लागि सर्वोच्च अदालतमा रिट निवेदन दिने तयारी गरिरहेको अवस्थामा बैठक बोलाइएको बताए ।
मंसिर २ गते दिउँसो १ बजे पार्टी केन्द्रीय कार्यालय च्यासलमा बैठक आयोजना गरिएको उनले बताए ।
