काठमाडौँ । दुर्गा प्रसाईंका सहयोगी दिपक खड्कालाई पनि प्रहरीले नियन्त्रणमा लिएको छ ।
उनलाई बुधवार नियन्त्रणमा लिएर अनुसन्धान थालिएको जिल्ला प्रहरी परिसर काठमाडौँका एसपी पवन भट्टराईले रातोपाटीलाई बताए । राष्ट्रहितविरुद्ध अभिव्यक्ति दिएको आरोपमा प्रसाईं मंसिर २ गते बिहानदेखि प्रहरी हिरासतमा छन् ।
खड्का सर्वोच्च अदालत परिसरबाट २०८० चैत ५ मा पनि ‘इजाजत दिन नमिल्ने’ प्रकृतिको हतियारसहित पक्राउ परेका थिए ।
झापाको बुद्धशान्ति–३ घर भएका खड्का प्रसाईंका व्यक्तिगत सुरक्षा गार्ड हुन् । उनी तीनकुने घटनामा पनि पक्राउ परेर छुटेका हुन् ।
