काठमाडौँ । नेकपा एमालेको ११ औँ महाधिवेशनबाट १९ १९ सदस्यीय पदाधिकारी समिति निर्वाचित हुँदा एक जना मात्रै महिला उम्मेदवार निर्वाचित भएकी छन् ।
अध्यक्षमा निर्वाचित केपी शर्मा ओलीको प्यानलबाट सचिवमा उम्मेदवारी दिएकी पद्मा अर्यालमात्रै निर्वाचित भएकी हुन् । अर्याल १५३० मत ल्याएर सचिवमा निर्वाचित भएकी हुन् ।
पदाधिकारीमा अर्यालसहित डा.बिन्दा पाण्डे, रचना खड्का प्रतिस्पर्धा गरेका थिए । डा.पाण्डे उपाध्यक्षमा र खड्का सचिवमा प्रतिस्पर्धा गरे पनि निर्वाचित हुन सकेनन् ।
डा. पाण्डेले ९२१ मत ल्याए पनि जितका लागि पर्याप्त भएन । खड्काले ८७७ मत ल्याइन् ।
