तेहरान । इरानले स्ट्रेट अफ होर्मुज भएर आवतजावत गर्ने जहाजमाथि लगाएको टोल फीबापत पहिलो शुल्क आम्दानी गरेको छ ।
इरानका वरिष्ठ संसदीय अधिकारीले बताएको भन्दै पाकिस्तानको अंग्रेजी भाषाको पत्रिका डनले समाचार छापेको छ । इरानी संसदका उपसभामुख हमिदरेजा हाजिबाबाईले उक्त आम्दानी केन्द्रीय बैंकको खातामा जम्मा गरिएको बताएका छन् । यो जानकारी अर्धसरकारी समाचार एजेन्सीमार्फत सार्वजनिक गरिएको हो ।
यद्यपि, शुल्क कति संकलन भयो वा कुन देशका जहाजबाट लिइयो भन्नेबारे विस्तृत विवरण सार्वजनिक गरिएको छैन ।
आफनो देशमाथि अमेरिका र इजरायलको आक्रमण जारी रहँदा इरानले स्ट्रेट अफ होर्मुज ठप्प पारेको थियो । शत्रु देशका बाहेकका जहाजलाई यो मार्ग भएर आवागमन गर्न दिने तर ती जहाजको सुरक्षा सुनिश्चित गर्न टोल फी उठाउने इरानले योजना अघि सारेको थियो ।
