बेइजिङ, २२ जेठ । चिनियाँ राष्ट्रपति सी जिनपिङ दुई दिने उत्तर कोरिया भ्रमणमा निस्कने भएको छ ।
चिनियाँ कम्युनिष्ट पार्टी (सीपीसी) केन्द्रीय समितिका महासचिवसमेत रहेका राष्ट्रपति सी जिनपिङले कोरियाली सरकारको निमन्त्रणामा दुई दिने भ्रमणमा जान लागेका हुन् ।
उत्तर कोरिया श्रमिक पार्टीका महासचिव तथा उत्तर कोरियाली राज्य मामिलाका अध्यक्ष किम जोङ उनको निमन्त्रणामा जुन ८ देखि ९ सम्म प्रजातान्त्रिक जन गणतन्त्र कोरिया (डीपीआरके) को राजकीय भ्रमण निस्कन लागेको चिनियाँ समाचार संस्थाले जनाएका छन् ।
चिनियाँ कम्युनिष्ट पार्टी केन्द्रीय समितिको अन्तर्राष्ट्रिय विभागका प्रवक्ताका अनुसार सो भ्रमणको क्रममा दुई देशको सबन्ध थप बिस्तारका बारेमा छलफल हुनेछ ।
अमेरिकी राष्ट्रपति डोनाल्ड ट्रम्प र रूसी राष्ट्रपति भ्लादीमर पुटिनले चीन भ्रमण गरेको दुई साता पछि राष्ट्रपति सि उत्तर कोरिया भ्रमणमा निस्कन लागेका हुन ।
