काठमाडौँ । प्रधानमन्त्री पुष्पकमल दाहाल ‘प्रचण्ड’ले सत्ता गठबन्धनको बैठक बोलाएका छन् ।
बैठक प्रधानमन्त्रीको सरकारी निवास बालुवाटारमा बेलुका ५ बजेपछि बस्ने गरी बोलाएको गठबन्धनका एक नेताले जानकारी दिए । राष्ट्रिय सभा निर्वाचनमा गठबन्धनका उम्मेदवारले उम्मेदवारी दर्ता गरेपछि सोही विषयमा छलफल गर्न बैठक बोलाएको ती नेताको भनाइ छ ।
गठबन्धनका दलबाट कांग्रेसका १०, माओवादी केन्द्रका ६, एकीकृत समाजवादीका २ र जनता समाजवादीका एक जनाले उम्मेदवारी दर्ता गराएका छन् । राष्ट्रिय सभाका १९ पदका लागि ११ माघमा निर्वाचन हुँदैछ ।
