मोरङ । विराटनगरमा प्रेसर कुकर बम जस्तो शंकास्पद वस्तु भेटिएको छ ।
विराटनगर महानगरपालिका–३ मा कालोटेपले बेरिएको अवस्थामा प्रेसर कुकर बम भेटिएको हो ।
शंकास्पद वस्तु फेला परेलगतै जिल्ला प्रहरी कार्यालय मोरङका टोलीले उक्त क्षेत्रमा पुगेको छ ।
शंकास्पद वस्तुको पहिचान र निस्क्रिय पार्नका लागि नेपाली सेनालाई खबर गरिसकेको प्रहरीले जनाएको छ ।
तर्साउने उद्देश्यले पनि शंकास्पद वस्तु राखिएको हुनसक्ने अनुमान गरिएको छ ।
