प्रायः सबैको भान्सामा उपलब्ध हुने मेथी मसला वा सागका रुपमा खाने गरिन्छ । मेथी सेवनको स्वास्थ्यलाभबारे गरिएका बैज्ञानिक अनुसन्धानअनुसार यसमा ग्लुकोज घटाउने र कोलेस्टेरोल सन्तुलित राख्ने गुण हुन्छ ।
उच्च रक्तचापजस्ता समस्याका लागि पनि मेथी लाभदायक हुन सक्ने अनुसन्धानकर्ताहल बताएका छन् ।
मेथी तितो हुन्छ । यसमा सापोनिन, अल्कलोइड र पोलिफिनोल प्रशस्त पाइन्छन् । भारतमा गरिएको अनुसन्धानले मेथीमा हेमोग्लोविनको मात्रा बढाउने गुण हुने देखाएको छ । त्यसैले मेथी एनेमियाजस्ता समस्या हटाउन पनि लाभदायक हुन सक्छ ।
आजभोलि पश्चिमी मुलुकमा ८–१० प्रतिशत मेथी मिसिएको पिठोबाट बनेका ब्रेड, पिज्जा, मफिन र केक पाइन्छन् अर्थात् मेथी फड्सनल फुडका रुपमा बजारमा आउन थालेको छ ।
