वासिङ्टन डीसी । अमेरिकाका पूर्व राष्ट्रपति डोनाल्ड ट्रम्पले ‘आफू मरिसकेको छु’ भन्ने ठानेको बताएका छन् । आफूमाथि भएको घातक हमलाबारे उनले यस्तो प्रतिक्रिया दिएका हुन् ।
हत्याको यस प्रयासलाई उनले ‘अवास्तविक अनुभव’ भनेका छन् । मिलवाउकीमा रिपब्लिकन पार्टीको राष्ट्रिय महाधिवेशनमा जानु अघि न्युयोर्क पोस्टसँगको कुराकानीमा उनले यस्तो बताएका हुन् ।
‘म यतिबेला यहाँ हुन्नथेँ होला, म त मरिसक्नु पर्थ्यो,’ उनले भनेका छन् । ट्रम्पको दाहिने कानमा पट्टी लगाइएको र उनका सहयोगीहरूले उनको फोटो खिच्न अनुमति नदिएको पोस्टले भनेको छ । आफूले यस्तो कहिल्यै नदेखेको भन्दै अस्पतालमा रहेका डाक्टरहरूले आफू यसरी बाँच्नुलाई चमत्कार भनेको पनि उनले बताएका थिए ।
