काठमाडौं- बलिउड कलाकार दम्पती दीपिका पादुकोण र रणवीर सिंह पहिलो सन्तानलाई जन्म दिँदै छन् । सप्टेम्बरमा उनीहरु पहिलो सन्तानको अभिभावक बन्दै छन् ।
जीवनको नयाँ अध्यायका लागि नयाँ स्थानमा बस्न यो दम्पतीले मुम्बईस्थित बान्द्रामा नयाँ अपार्टमेन्ट किनेको छ । उनीहरू सन्तानको जन्म भएपछि वा त्यसभन्दा पहिला नै नयाँ अपार्टमेन्टमा सर्छन्, खुलेको छैन ।
यद्यपि अहिले अपार्टमेन्टको आन्तरिक निर्माण चलिरहेको छ
भारतीय अनलाइन अमरउजालाका अनुसार उनीहरूले बलिउड नायक शाहरुख खानको ‘मन्नत’नजिकै अपार्टमेन्ट किनेका हुन् । उनीहरूको अपार्टमेन्ट र मन्नतको दूरी केही मिटरमात्रै छ ।
उनीहरूले स्रोहौँदेखि उन्नाइसौँ तल्लाको स्थान किनेका हुन् । अर्थात् उनीहरूले तीन तले अपार्टमेन्ट किनेका हुन् । नयाँ अपार्टमेन्टको मूल्य एक सय करोड भारु रहेको छ ।
समुद्रको रोचक दृश्य देखिने र लक्जरी अपार्टमेन्ट भएकाले उनीहरूले बढी मूल्य तिरेको भारतीय मिडियाहरुले जनाएका छन् ।
