अमेरिकाविरुद्धको पहिलो टी–२० खेलमा नेपालले सय रन पूरा गरेको छ। अमेरिकाको डल्लासमा जारी खेलमा टस हारेर पहिला ब्याटिङ्ग गर्ने निम्तो पाएको नेपालले १५ ओभरको खेल सकाउँदा ११५ रन बनाएको छ।
जारी खेलमा राम्रो सुरुआत गर्दै नेपालले ४ विकेटको क्षतिमा ११५ रन बनाएको हो।
नेपालका लागि ओपनर ब्याट्सम्यान अनिल साह र आशिफ शेखले समान २७/२७ रन जोडे भने कुशल भुर्तेल १० र गुलशन झा ११ रनमा आउट भएका छन्।
अहिले मैदानमा कप्तान रोहित पौडेल र दिपेन्द्र सिंह ऐरी ब्याटिङ्ग गरिरहेका छन्।
