काठमाडौँ। नेकपा माओवादी केन्द्रले एक जना वैकल्पिक सदस्यलाई पार्टीबाट निष्कासन गर्ने निर्णय गरेको छ । पार्टीको लुम्बिनी प्रदेश कमिटीको सिफारिसमा पार्टी केन्द्रले वैकल्पिक केन्द्रीय सदस्य राजु हरिजनलाई निष्कासनको निर्णय गरेको हो ।
पश्चिम नवलपरासीको प्रतापपुर गाउँपालिकाका उनले पार्टी हित विपरीत अनुशासनहीन र शङ्कास्पद गतिविधि गरेको माओवादी लुम्बिनी प्रदेशका अध्यक्ष सुदर्शन बरालले जानकारी दिए ।
पार्टी हित विरीतको गतिविधि गर्नुका साथै माओवादीप्रति अनास्था फैलाउने उद्देश्यले गतिविधि गर्न नछाडेपछि साधारण सदस्य समेत नरहने गरी निष्कासनको लागि प्रदेश कमिटीले सिफारिस गरेर केन्द्रमा पठाएको बरालको भनाइ छ ।
सोहीअनुसार हरिजनलाई पार्टीको साधारण सदस्य समेत नरहने गरी केन्द्रीय कार्यालयको निर्णय अनुसार निष्कासन गरिएको खबर प्राप्त भएको उनले बताए ।
