काठमाडौँ । स्पेनको एलिसान्टे सहरमा एक अनौठो घटना सार्वजनिक भएको छ, जहाँ एक डेलिभरी कम्पनीले समयभन्दा अगाडि कार्यालय आउने बानीका कारण महिला कर्मचारीलाई बर्खास्त गरेको छ ।
कम्पनीको कार्य समय बिहान ७:३० बजे सुरु हुने भए पनि ती कर्मचारी दैनिक ६:४५ देखि ७:०० बजेसम्म नै कार्यालय पुग्ने गर्थिन् । कम्पनीका अनुसार यो व्यवहारले अन्य कर्मचारीलाई असहज बनाएको थियो र कार्यस्थलमा अनावश्यक दबाब तथा अवरोध सिर्जना भएको थियो ।
सन् २०२३ मा उनलाई लिखित चेतावनी दिइए पनि उनले आफ्नो बानी परिवर्तन नगरेपछि कम्पनीले उनलाई निर्देशन नमान्ने र नियम विपरीत व्यवहार दोहोर्याउने आधारमा जागिरबाट हटायो।
बर्खास्तगीविरुद्ध दायर मुद्दामा न्यायालयले पनि कम्पनीकै पक्षमा फैसला गर्दै कर्मचारीको बारम्बार चेतावनी अवज्ञालाई गम्भीर अनुशासनहीनता मानेको छ।
