काठमाडौँ । भारतीय गायक सोनु निगमले आफू नेपाल फ्यान भेट्न आतुर रहेको बताएका छन् । शुक्रबार एक भिडियो मार्फत नेपाली फ्यानलाई सम्बोधन गर्दै छिट्टै भेट्न आफू आतुर रहेको बताएका हुन् । उनले ‘उकाली ओराली गर्दै आँखाभरि रहर भर्दै’ गीत गाउँदै यो गीत पनि कार्यक्रममा सुनाउने बताएका छन् ।
‘धेरै भयो तपाईंहरुसँग नभेटेको, डिसेम्बर २५ मा भेट्नेछु’ उनले भिडियोमा भनेका छन् ।
निगम क्रिसमसको अवसरमा पुस १० गते काठमाडौँमा आयोजना हुने कार्यक्रम ‘सोनु निगम लाइभ इन नेपाल’का लागि नेपाल आउने भएका हुन् । हायात होटलको मैदानमा हुने कन्सर्टमा उनले नेपाली र हिन्दी गीतले फ्यानलाई मनोरञ्जन दिलाउनेछन् ।
कार्यक्रम नेपाली टचले गर्न लागेको हो ।
