काठमाडौँ । नेकपा एमालेले काठमाडौँका १० वटै क्षेत्रमा उम्मेदवार सिफारिस गरेको छ ।
फागुन २१ मा हुने प्रतिनिधिसभा सदस्य निर्वाचनका लागि काठमाडौँ जिल्ला कमिटीको बैठकले उम्मेदवार सिफारिस गरेको हो ।
जसअन्तर्गत काठमाडौँ १ मा मोहन रेग्मीसहित ८, क्षेत्र नम्बर २ मा एकल मणिराम फुयाँलको नाम सिफारिस भएको एमाले काठमाडौँ अध्यक्ष दीपक निरौलाले जनाएका छन् ।
त्यस्तै काठमाडौँ निर्वाचन क्षेत्र नम्बर ३ मा रामेश्वर फुयाँलसहित ६,चारमा राजन भट्टराईसहित १३, क्षेत्र नम्बर ५ मा ईश्वर पोखरेलसहित ८ जना सिफारिस भएका छन् ।
त्यसैगरी निर्वाचन क्षेत्र नम्बर ६ बाट अमनकूमार मास्केसहित १२, क्षेत्र नम्बर ७ बाट प्रकाश श्रेष्ठसहित ११ र ८ बाट एक मात्र राजेश शाक्य सिफारिस भएका छन् ।
क्षेत्र नम्बर ९ बाट अजयक्रान्ति शाक्यसहित ९ र १० बाट विनोद श्रेष्ठसहित ११ जना सिफारिस भएका हुन् ।
