काठमाडौँ। नेपालका चर्चित एमएमए फाइटर रवीन्द्र ढाँटले युएफसीको छनोट प्रतियोगिता रोड टु यूएफसी सिजन ५ मा पहिलो जित हासिल गरेका छन्।
विश्वकै प्रतिष्ठित यूएफसीको मुख्य स्टेजमा पुग्ने बाटो मानिने यस रोड टु यूएफसीमा रवीन्द्रले ब्यान्टमवेटमा प्रतिस्पर्धा गर्दै जित हासिल गरेका हुन्। उनले रोड टु यूएफसी सिजन ५ को क्वाटरफाइनलमा आज फिलिपिन्सका किम्बर्ट अलिन्टोजोनलाई हराएका हुन्।
मकाउको ग्यालेक्सी एरेनामा बिहीबार भएको खेलामा उनले दास्रो राउन्डमा अलिन्टोजोनलाई नकआउट गर्दै सेमिफाइनलमा स्थान बनाएका हुन्। यस सिजन ५ को रोमाञ्चक भिडन्तको यो पहिलो दिन हो।
यस पटकको रोड टु यूएफसी सिजन ५ मा विभिन्न देशका शीर्ष एमएमए खेलाडीहरू यूएफसी कन्ट्र्याक्ट हात पार्ने लक्ष्यका साथ प्रतिस्पर्धा गर्दैछन्। यस ढाँचामा सञ्चालित यस प्रतियोगितामा दुई दिनसम्म लगातार रोचक भिडन्तहरू हुनेछन्।
आज पहिलो दिन चिनियाँ स्ट्राइकर रोङझु र अमेरिकाका भिक्टर मार्टिनेजबिच लाइटवेट तौल समूहमा प्रतिस्पर्धा भएको थियो। ढाँटले गत वर्ष भारतको ग्रेटर नोइडामा भएको मेट्रिक्स फाइट नाइट १७ मा भारतका चुङरेन कवरेनलाई नकआउट गर्दै टाइटल जितेका थिए।
