काठमाडौं,३० कार्तिक । हङकङमा जारी ४ देश सहभागी टी-२० श्रृखंलाअन्तर्गत आफ्नो दोस्रो खेलमा आयोजक हङकङसँग खेलिरहेको नेपालले लज्जास्पद प्रदर्शन गरिरहेको छ ।
टस जितेर सुरुवातमा ब्याटिङ गर्ने निर्णय लिएको नेपाली महिला टिमले लगातार विकेट गुमाईरहेको छ । ७ ओभरको समाप्ती हुँदा नेपालले २४ रन जोड्दै महत्वपूर्ण ६ विकेट गुमाईसकेको छ । नेपालका लागि सर्वाधिक ९ रन जोडेकी ओपनर सीता राना मगर छैटौं विकेटको रुपमा आउट भएसँगै नेपालको ब्याटिङ धरासायी बनेको छ ।
बुधबार भएको पहिलो खेलमा तान्जिनियासँग २७ रनले पराजित भएको नेपाललाई फाइनल प्रवेशका लागि आजको खेल जित्नैपर्ने दवाव रहेको छ ।
