पोखरा । सञ्चार तथा सूचना प्रविधिमन्त्री पृथ्वीसुब्बा गुरुङले :कांग्रेस सभापति शेरबहादुर देउवा र प्रधानमन्त्री केपी शर्मा ओलीको सम्बन्ध बिग्रिँए मात्र यो सरकार ढल्ने बताएका छन्।
कास्कीको पोखरामा शनिबार आयोजित एक कार्यक्रममा बोल्दै सञ्चारमन्त्री गुरुङले यस्तो बताएका हुन्।
सञ्चारमन्त्री गुरुङले भने,‘देउवा र ओलीको सम्बन्ध बिग्रियो भने मात्र सरकार ढल्छ। नत्र उहाँहरू मिलिञ्जेल सरकार चलिरहन्छ । यहाँ ३२ सिटको म्याजिक नम्बरले दुइटै नेतालाई ठगेको हुनाले हामी ठगियौँ भन्ने दुवै नेताले बुझेका छन्।’
उनले माओवादी केन्द्रबाट धोका पाएको कुरा देउवा र ओलीले बुझेकाले पनि सरकार सञ्चालनमा समस्या नआउने बताए।
उनले दक्षिण एसियामा सधैँ नकारात्मक कुराले ठाउँ पाउने र झगडाको विषय मात्र उठाउने गरिएको बताए ।
