काठमाडौ । नक्कली पेस्तोल देखाएर धम्की दिएको आरोपमा प्रहरीले एक युवकलाई नियन्त्रणमा लिएको छ ।
मकवानपुर जिल्लाको हेटौँडा उपमहानगरपालिकाबाट नक्कली पेस्तोल देखाएर धम्की दिने स्थानीय १९ वर्षीय युवकलाई जिल्ला प्रहरी कार्यालय मकवानपुरले बिहीबार नियन्त्रणमा लिएको हो ।
पक्राउ पर्नेमा हेटौँडा उपमहानगरपालिका – १५ शिखरपानी बस्ने १९ वर्षीय साजन स्याङतान रहेका छन् ।
जिल्ला प्रहरी कार्यालय मकवानपुरका प्रहरी नायव उपरीक्षक (डिएसपी) एवम् प्रवक्ता लक्ष्मी भण्डारीका अनुसार साजनले शिखरपानी क्षेत्रमा प्यास्टिकको नक्कली पेस्तोल देखाएर धम्की दिएका थिए ।
उनलाई नक्कली पेस्तोल सहित नियन्त्रणमा लिएर जिल्ला अदालत मकवानपुरबाट सात दिनको म्याद थप लिएर अनुसन्धान भइरहेको डिएसपी भण्डारीले बताए ।
