काठमाडौं,१० मंसिर । मेडिकल व्यवसायी दुर्गा प्रसाईलाई गैरकानूनीरुपमा नजरबन्दमा राखिएको भन्दै सर्वोच्चमा दायर भएको बन्दी प्रत्यक्षीकरणको रिटमाथि आज सुनुवाइ हुँदैछ ।
उक्त रिट सुनुवाइका लागि सर्वोच्चका न्यायाधीश डा कुमार चुडालको एकल इजलासमा पेशी तोकिएको छ । शुक्रबार काठमाडौंको तीनकुनेमा प्रदर्शन गर्ने तयारी गरेका प्रसाईलाई काठमाडौं जिल्ला प्रशासनले आन्दोलनका लागि अनुमति दिएको थिएन भने भक्तपुरस्थित निवासमा रहेका प्रसाईंलाई बाहिर निस्कन दिईएको थिएन ।
आफूलाई गैरकानूनीरुपमा नजरबन्दमा राखेको भन्दै उनको तर्फबाट वरिष्ठ अधिवक्ता डा.सुरेन्द्र भण्डारीेले सर्वोच्चमा रिट हालेका थिए ।
