पोखरा । पोखराको सूर्यदर्शन सहकारी ठगीका फरार आरोपी जिल्ला अदालतमा हाजिर भएका छन् ।
सहकारीको रकम अपचलन आरोप लागेका शिबबहादुर गुरुङ उर्फ महेन्द्र भोटे र आइटी प्रमुख भविश्वर अर्याल कास्की जिल्ला अदालतमा उपस्थित भएका हुन् ।
उनीहरुविरुद्ध कास्की प्रहरीले पक्राउ पुर्जी जारी गरेको थियो । पक्राउ पुर्जी जारी गर्नुअघि नै उनीहरु फरार भएका थिए । मंगलबार भोटे र अर्याल कानून व्यवसायीसहित अदालत उपस्थित भए । उनीहरुको अहिले थुनछेक बहस भइरहेको छ ।
यसअघि उपाध्यक्ष कैलाश दर्लामी र कोषाध्यक्ष कुमार रम्तेल पक्राउ परेका थिए । उनीहरुलाई पुर्पक्षका लागि जिल्ला कारागार चलान गरिएको छ । उक्त सहकारीका १९ जनाविरुद्ध पक्राउ पुर्जी जारी गरिएको हो । अझै १५ जना फरार छन् ।
