काठमाडौँ । एएफसी एसियन कप फुटबलमा भारत आफ्नो पहिलो खेलमा अस्ट्रेलियासँग पराजित भएको छ । कतारको अल रेयान सहरस्थित अहमद बिन अली स्टेडियममा भएको खेलमा अस्ट्रेलियाले भारतलाई २–० ले हराएको हो ।
ज्याक्सन इरविनले ५० औँ मिनेटमा पहिलो गोल गरेका थिए । ७३ औँ मिनेटमा वैकल्पिक खेलाडी जोर्डन बोसले टोलीका लागि दोस्रो गोल गरे ।
भारत एक पराजयसँगै समूह बीको अन्तिम स्थानमा पुगेको छ । योसँगै अस्ट्रेलिया ३ अङ्कसहित शीर्ष स्थानमा पुगेको छ । भारतले अर्को खेलमा जनवरी १८ मा उज्बेकिस्तान र २३ जनवरीमा सिरियासँग खेल्नेछ ।
