काठमाडौं । अष्ट्रेलियाका प्रधानमन्त्री एन्थोनी अल्बानीजले आफ्नो चार वर्ष पुरानो पार्टनर जोडी हेडेनसँग इन्गेजमेन्टको घोषणा गरेका छन् ।
उनले क्यानबेराको प्रधानमन्त्रीको आधिकारिक निवास द लजमा जोडीलाई आफूले डिजाइन गरेको विशेष औंठीको साथ प्रस्ताव गरे। उनी पदमा रहँदा इन्गेजमेन्ट गर्ने पहिलो अष्ट्रेलियाली प्रधानमन्त्री हुन्।
अल्बानीज आफैले आफ्नो आधिकारिक सामाजिक सञ्जाल ह्यान्डलमा इन्गेजमेन्टको खबर सेयर गरेका छन् । उनले लेखे, “उनले हुन्छ भनिन्।”
यसपछि जारी गरिएको संयुक्त विज्ञप्तिमा अल्बानीज र जोडीले भनेका छन्, “हामी तपाईलाई यो सबै समाचार सुनाउन पाउँदा खुसी छौं र हामी हाम्रो बाँकी जीवन सँगै बिताउन जाँदैछौं। हामी भाग्यमानी छौं कि हामीले एकअर्कालाई भेट्यौं।”
२०२० मा, ६० वर्षीय अल्बानीजले ४५ वर्षीय जोडी हेडेनलाई मेलबर्नमा एक व्यापारिक रात्रिभोजमा भेटे।
न्युजिल्यान्डका प्रधानमन्त्री क्रिस्टोफर लक्सन र चर्चित टिभी शेफ निगेला लसन र अस्ट्रेलियाको संसदमा रहेका उनीहरूका सहकर्मीले दुबैलाई बधाई दिएका छन् ।
अष्ट्रेलियाका विदेश मन्त्री पेनी वोङले लेखेकी छिन्, “प्रेम एउटा सुन्दर चिज हो। म तकाइँहरू दुवैका लागि खुसी छु।”
यसअघि एन्थोनी अल्बानीजले न्यू साउथ वेल्सका पूर्व उपप्रधानमन्त्री कार्मेल टेब्बटसँग विवाह गरेका थिए । यस विवाहबाट, उनको नाथन अल्बानीज नामको एक छोरा छन् जो अहिले 23 वर्षको छन् । विवाहको १९ वर्षपछि सन् २०१९ मा दुवैको सम्बन्धविच्छेद भयो ।लेबर पार्टीका अल्बानीजले आफू र जोडीबीच भएको भेटबारे विस्तृत जानकारी दिएका थिए । जोडी र अल्बानीज, जो दुबै वित्त क्षेत्रमा काम गर्छन्, राष्ट्रिय रग्बी लीग टोलीका प्रशंसक हुन्।
सुरुवाती चरणमा दुवैले आफ्नो सम्बन्धको बारेमा मौन बसेका थिए । यद्यपि, जोडीले पछि २०२२ मा अल्बानीजको चुनावी अभियानमा भाग लिइन् । अल्बानीज प्रधानमन्त्री भएपछि उनीसँगै अन्तर्राष्ट्रिय भ्रमणमा गइन् ।
