बिहार । भोजपुरी अभिनेत्री अमृता पाण्डेको शव भागलपुरमा फेला परेको छ । आदमपुर क्षेत्रस्थित दिव्यधाम अपार्टमेन्टको फ्ल्याट नम्बर १०४ मा पंखामा साडीको फन्दा बनाएर झुण्डिएको अवस्थामा उनको शव फेला परेको हो ।
स्थानीय बासिन्दाको सहयोगमा अभिनेत्रीको परिवारले शवलाई फन्दाबाट निकालेर स्थानीय अस्पतालमा लगेका थिए । तर, चिकित्सकले उनलाई मृत घोषणा गरिदिएका । परिवारका सदस्यले तत्कालै प्रहरीलाई खबर गरेका थिए । खबर पाएलगत्तै जोगसार थानाको प्रहरी घटनास्थलमा पुगेर अनुसन्धान थालेको छ । प्रहरीले अनुसन्धानका लागि फरेन्सिक टोली बोलाएको थियो ।
टोली आएर सबै प्रमाण जुटाएर आफूसँगै लगेको बताइएको छ । बिहान १०ः१५ बजे अमृताले ह्वाट्सएपमा स्टेटस पोष्ट गरेको प्रहरीले उनको मोबाइलबाट थाहा पाएको छ । ‘दुईवटा डुंगामा सवार थियो उसको जीवन, मैले डुङ्गा डुबाएर उसको यात्रा सहज बनाइदिए ।’ लेखिएको थियो ।
