काठमाडौँ । आईसीसी टी–२० विश्वकपको चौथो सुपर ८ खेलमा बंगलादेशले अस्ट्रेलियालाई १४१ रनको लक्ष्य दिएको छ ।
एन्टिगुवाको सर भिभियन रिचर्ड्स स्टेडियममा अष्ट्रेलियाले टस जितेर पहिले बलिङ गर्ने निर्णय गरेको थियो । बंगलादेशले २० ओभरमा ८ विकेट गुमाएर १४० रन बनायो ।
खेलमा अस्ट्रेलियाका प्याट कमिन्सले ह्याट्रिक विकेट लिए । कमिन्स टी–२० विश्वकपमा ह्याट्रिक विकेट लिने विश्वका सातौं बलर बनेका छन् । कमिन्स यो उपलब्धि हासिल गर्ने दोस्रो अस्ट्रेलियाली खेलाडी हुन्, यसअघि ब्रेट लीले २००७ को विश्वकपमा यो उपलब्धि हासिल गरेका थिए ।
बंगलादेशका लागि नाजमुल हुसेन सान्तोले ४१, तोहिड हृदोइले ४०, लिटन दासले १६, ताक्सिन अहमदले अविजित १३ रन जोडे ।
बलिङतर्फ अष्ट्रेलियाका लागि कमिन्सले ३, आडम जाम्पाले २ तथा मिचेल स्टार्क। मार्कुस स्टोइनिस र ग्लेन म्याक्सवेलले १–१ विकेट लिए ।
