काठमाडौँ । नेकपा माओवादी केन्द्रका अध्यक्ष पुष्पकमल दाहाल प्रचण्डले जवाफ दिने पार्टीको स्थायी कमिटी बैठक सरेको छ ।
बिहीबार बिहान ११ बजेका लागि बोलाइएको माओवादी केन्द्रको स्थायी कमिटी बैठक दिउँसो १ बजेसम्मका लागि सरेको हो ।
केन्द्रीय कार्यालय परिसडाँडामा बस्ने बैठकमा अध्यक्ष प्रचण्डले स्थायी समिति सदस्यहरूले उठाएका प्रश्नको जवाफ दिने छन् । यसअघि स्थायी समिति सदस्यहरूले नेतृत्वको कार्यशैली, पार्टीको नीतिप्रति गम्भीर प्रश्न उठाएका थिए ।
५ दिनसम्म बहस र छलफलबाट उठेको प्रश्नको जवाफ दिएपछि बैठक सकिने स्थायी समिति सदस्य कमला रोकाले जनकारी दिइन् ।
