विराटनगर । कोशी प्रदेशका पूर्वमुख्यमन्त्री केदार कार्कीले पुनः आमरण अनशन सुरु गरेका छन् ।
कार्कीले प्रदेश सरकारसँग विभिन्न ९ वटा माग राख्दै मंगलबार दिउँसो ४ बजेदेखि आमरण अनशनमा बसेका थिए । तर निषेधित क्षेत्रमा आमरण अनशन बसेको भन्दै प्रहरीले कार्कीलाई अनशन स्थलबाटै नियन्त्रणमा लिएको थियो ।
जिल्ला प्रशासन कार्यालय मोरङले मंगलबार ३ बजेदेखि कोशी प्रदेश सभाको गेट अगाडिको क्षेत्रलाई निषेधित क्षेत्र घोषणा गरेको छ ।
बुढीगंगास्थित घर छोडेर प्रहरी फर्केलगत्तै कार्कीले पुनः विराटनगरस्थित देवकोटा चोकमा अनसन सुरु गरेका छन् ।
