गायक रियालिटी शो ‘द भ्वाइस अफ नेपाल’ मा गायक राजु लामाको पुनरागमन भएको छ।
छिट्टै प्रसारण सुरू हुन लागेको ‘द भ्वाइस अफ नेपाल’ सिजन ६ को कोचमा उनी रहने घोषणा गरिएको हो।
शोले एक भिडिओ जारी गर्दै नयाँ सिजनको पहिलो कोचस्वरूप लामाको नाम घोषणा गरेको छ।
भिडिओमा उनी भन्छन्– ‘तपाईंहरूको आवाजलाई सगरमाथाको शिखरमा पुर्याउन आइपुगेको छ तपाईंहरूको जोजो।’
यसअघि सिजन २, ३ र ४ मा कोच रहेका लामा पाँचौ सिजनमा देखिएनन्। ‘द भ्वाइस अफ नेपाल’ मा चारजना कोच रहँदै आएका छन्। बाँकी ३ कोचको यसैसाता टुंगो लाग्ने जनाइएको छ।
सिजन ६ को डिजिटल अडिसन भएर फिजिकल अडिसन पनि सुरू भइसकेको छ। छिट्टै ब्लाइन्ड अडिसन सुरू हुने शोका निर्देशक लक्ष्मण पौडेलले जानकारी दिए। रियालिटी शोलाई मंसिर अन्त्यदेखि प्रसारणमा ल्याउने तयारी छ।
