काठमाडौँ । बलिउड अभिनेता गोविन्दा सुटुक्क नेपाल आएर स्वदेश फिर्ता भएका छन् । डिसेम्बर अन्तिममा नेपाल आएका उनी शनिबार स्वदेश फर्किएका हुन् ।
उनी नेपाल आउँदा मिडियाकर्मीको सम्पर्कमा आएनन् भने कुनै हल्लाखल्ला पनि गरिएन । जसका कारण धेरैले उनी नेपाल आएकोबारे पत्तै पाएनन् ।
स्रोतका अनुसार उनी एक प्रोजेटको सिलसिलामा नेपाल आएका हुन् । तर, त्यो प्रोजेक्ट के हो भन्नेबारे केही खुलाइएको छैन । उनलाई स्वदेश फर्किँदा विमानस्थलमा नेपाली कलाकार किरण केसीले बिदाइ गरेको तस्बिर रातोपाटीलाई प्राप्त भएको छ ।
गोविन्दा यसअघि पनि पटक पटक नेपाल आउने गरेका थिए । पछिल्लो पटक उनी रौतहटको मौलापुरमा आयोजित मधानी महोत्सवमा सहभागी हुन नेपाल आएका थिए ।
